Gazetamizning avvalgi seshanba kungi sonida argentinalik futbol dahosi Lionel Messi yana bir mehmonxona sohibi bo‘lgani haqida qisqacha xabar bergan edik.
O‘ylaymizki, bu borada batafsilroq bilishni istaydigan gazetxonlar juda ko‘p. Avvalo, aytish kerak, Messining yangi mehmonxonasi elit toifaga mansub va unda loaqal bir kecha tunashga hamma ham jazm etolmaydi.
Mehmonxona qayerda?
Ibisada. O‘rta yer dengizi sohilidagi ushbu kurort orol Ispaniya hukumatiga qarashli. Dam olish hududi deyarli har bir musiqa shinavandasiyu, sokin plyaj hordig‘ini ma’qul ko‘ruvchi kishiga mashhur.
To‘g‘ri, jo‘shqin hayot tarziga moyil sayyohlar ham Ibisani alohida qadrlashadi. Zero, orolda vaqtni chog‘ o‘tkazishgan mo‘ljallangan ko‘ngilochar maskanlar va tungi klublar son-sanoqsiz.
Messi xarid qilgan otelning o‘ziga kelsak, uning nomi - Es Vive. Barcha qulayliklarga ega majmua Figeretas plyajidan uncha uzoq bo‘lmagan hududda joylashgan. Shuningdek, Ibisa markaziga ham ancha yaqin.
Deylik, mehmonxonadan jahonga mashhur elit restoranlarga atigi bir necha daqiqada yetib borish mumkin. Xullas, Es Vive har tomonlama qulay joyda qad ko‘targan.
Nimasi qiziq?
Mehmonxona binosi bundan naq 60 yilcha oldin qurilgan. 2014 yili esa Es Vive qayta loyihalashtirildi. Oddiy aytganda, otel ikkinchi jahon urushidan oldin urf bo‘lgan ardeko uslubi ko‘rinishiga keltirildi.
Majmua tarkibi jami 52ta xonadan iborat. Shuningdek, uning tom qismida bar bor, ulkan basseyn mijozlar ixtiyorida. Alohida mehmonlar uchun esa VIP-xizmat turlari yo‘lga qo‘yilgan.
Xizmat narxi qancha?
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
