Osiyo chempionlar ligasining "V" guruhida "Lokomotiv" o‘z maydonida Eronning "Zob Ohan" klubini qabul qildi.
Eslatib o‘tamiz, "temiryo‘lchilar" pley-off yo‘llanmasini qo‘lga kiritish uchun bugun faqat g‘alaba qozonishi shart edi.
Uchrashuv shiddatli yomg‘ir ostida boshlandi, "Lokomotiv" ilk daqiqalardan xavfli hujumlar tashkil etgan bo‘lsada, raqib darvozasini nishonga ola bilmadilar.
25-daqiqada mehmonlar futbolchisi Murtazo Tabriziy hisobni ochdi.
Ikkinchi bo‘limda, aniqrog‘i 74-daqiqada "Loko" gl urgan edi, ammo qanot hakami Sardor Rashidovni o‘yindan tashqari holatda deb baholadi.
90-daqiqada Islom To‘xtaxo‘jayev arima maydonchasi ichida sherigidan to‘pni qabul qilib oldi va zarba berdi, to‘p darvozabon ustidan oshib darvozadan joy oldi - 1:1.
Afsuski bu durang vakillarmizning keyingi bosqichga chiqishi uchun kamlik qildi. Eron jamoasini durang ham qoniqtirar edi, ular bunga erishdilar.
Shu tariqa mamlakatimizning ikkinchi jamoasi ham Osiyoning klublar darajasida eng nufuzli musobaqasini tark etdi.
OCHL, "V" guruhi, 6-tur.
17 aprel. soat 19:00. "Lokomotiv" stadioni
"LOKOMOTIV" - "ZOB OHAN" 1:1 (0:1)
Gol: Murtazo Tabriziy (25) - Islom To‘xtaxo‘jayev (90).
"Lokomotiv": 1.Ignatiy Nesterov, 5.Kaxi Maxaradze, 6.Nivaldo (Husniddin G‘ofurov 80), 10.Marat Bikmayev, 15.Sardor Mirzayev, 20.Islom To‘xtaxo‘jayev, 22.Sanjar Shoahmedov, 27.Sardor Rashidov, 28.SHuhrat Muhammadiyev, 33.Oleg Zoteev (Diyor Turopov 66), 88.Igor Yelich
Zaxira: 12. Ma’mur Ikromov, 4. Bobur Yo‘ldoshov, 8. Sherzod Karimov, 19. Husniddin G‘ofurov, 23. Idris Bikmaykin, 77. Diyor Turopov, 99. Cho Suk Je.
"Zob Ohan": 12.Muhammad Rashid Mazaheriy, 2.Muhammad Najod Mahdiy, 3.Vohid Muhammadzoda, 5.Giorgi Gvelesiani, 6.Xolid Shofeiy, 7.Sayid Muhammadrizo Hussayniy, 11.Murtazo Tabriziy (Baxtiyor Rahmoniy 70), Muhammad Sattoriy, 34.Milod Faxriddiniy, 88.Hamid Buhamdan, 99.Kiros
