AQSH terma jamoasining sobiq bosh murabbiyi Yurgen Klinsmann terma jamoaning JCH-2018ga chiqa olmaganiga izoh berdi.
"Amerika futboli bir necha yil ortda qolgan. Bu katta afsuslanarli ish. Saralashda Trinidad bilan o‘yinda yigitlardan omad yuz o‘girishini hech kim kutmagan edi.
O‘sha oxirgi o‘yinda ularga bir ochko yetarli edi, ammo ular o‘zlariga ko‘p ishonib yubordilar va raqibni mensimadilar.
Shunga qaramay, futbol AQSHda rivojlanmoqda. Ammo qilinadigan ishlar hali ko‘p.
Biroq MLS barqaror, rivojlangan infrastrukturaga ega. Oxirgi 20 yilda AQSH futbolida yuz bergan voqealar ertakka o‘xshaydi.
Baribir sabr kerak, ammo liga yildan yilga kuchayib bormoqda", - deydi Klinsmann.
