Malayziyadagi motoklubning ikki a’zosi futbol bo‘yicha jahon chempionatini tomosha qilish uchun Rossiyaga motosikllarda yo‘lga chiqdilar.
Rossiyaning Malayziyadagi elchixonasi ma’lumotiga ko‘ra, bu davlat tarixidagi birinchi voqeadir.
Sayyohlarning 60 kunlik motoyurishiga Rossiya elchisi Valeriy Yermolov ramziy start berdi.
Malayziyalik Utayakumaru va Muruganu ikkita Harley-Davidson 16 ming kilometrdan ko‘proq yo‘l bosib o‘tishlari kerak. Ular Tailand, Kambodja, Vyetnam, Laos, Xitoy, Mongoliyadan o‘tib, Rossiya chegarasiga kirib keladilar. Ularning oxirgi manzili Moskva shahri bo‘ladi. Ular JCH-2018 ning birinchi o‘yiniga yetib boradilar.
Yosh motosiklchilar avval ham uzoq muddatli motosayyohatga chiqishgan, o‘tgan yilda Nepal poytaxti Katmandugacha borishgan. Ular bu safar avvalgilaridan ko‘p marta qiyin bo‘lishini tan olmoqdalar, ammo Rossiya poytaxtiga sog‘-salomat yetib borishlariga umid qilmoqdalar.
