“Barselona” klubi yarim himoyachisi Ivan Rakitich “Sevilya”ga qarshi bo‘lib o‘tadigan Ispaniya Kubogi finali oldidan fikrlarini bildirib o‘tdi.
"Tarixda qolishni istaymiz. To‘g‘ri, biz Ispaniyaning eng kuchli jamoasi bilan kuch sinashamiz. Agarda mavsumni dubl bilan yakunlasak maqsadimizga erishgan bo‘lardik.
“Barselona” libosini kiyganimdan beri bu musobaqadan hali biror marta chiqib ketmadik. Hozir ham faqat g‘alaba haqida o‘ylayapmiz. Do‘st sifatida Inyestaga omad tilayman. Lekin, hali shoshilmagan ma’qul”, - deydi Rakitich.
