“Qizilqum”- “Neftchi” (1:0) uchrashuvidan keyingi matbuot anjumanining ikkinchi qismida navoiyliklar ustozi Hamidjon Aktamov va g‘alaba goli muallifi, himoyachi Giorgi Kvesiyeshvili ishtirok etishdi.

- Yutish shart edi. Qiyinchilik bilan bo‘lsada, maqsadimizga erishdik. Ikkita jamoa ham uch ochko uchun harakat qildi. “Neftchi” mehmonda to‘p tepgani uchunmi ikkinchi raqam ostida harakat qilib, himoyaviy o‘yin namoyish etdi.

Shu bois biroz qiyinchilikka duch keldik. Muhimi uz uyimizda Superligadagi ilk g‘alabani nishonladik. Bizni stadionga kelib qo‘llab-quvvatlagan muxlislarga o‘z minnatdorchiligimini bildirib o‘taman, -deya o‘z fikrlarini bildirib o‘tdi Hamidjon G‘ulomovich.

Giorgi Kvesiyeshvili: - Bundan oldingi bellashuvda - “Buxoro”ga qarshi kubok bahsida 120 daqiqa harakat qilgandik. Shu bois bugun biroz charchoq alomatlari baribir bizda sezildi. Eng muhimi g‘alaba qozonib, uch ochkoni qo‘lga kiritdik. Jamoadoshlarim bor kuchlarini berib harakat qilishdi.