“Atletiko” ustozi Diyego Simeone “Betis”ga qarshi o‘yinda nega Diyego Kostani qaydnomaga kiritmaganini aytdi.
“Men Kostani zaxirada qoldirdim, chunki hali uning maydonga tushishiga erta. Kosta jarohatidan tiklanyapti. Uning “Arsenal”ga qarshi birinchi o‘yinda ham maydonga tushishi noma’lum. Javob o‘yinida esa aniq harakat qiladi. Keyingi haftada uning ahvoli qanday ekanligiga qaraymiz. Tiklanish uchun unda vaqt bor.
“Betis” — kuchsiz jamoa emas. Ammo o‘ylaymanki, biz Kostasiz ham zafar qucha olamiz. Boshqa hujumchilar bor. Asosiy maqsadimiz — Yevropa ligasida qolish, ammo La Ligada kumush medallarni ham qo‘ldan chiqarmoqchi emasmiz”, dedi Simeone.
