Bugun Jizzaxdagi “So‘g‘diyona” stadionida superliga 8-turidan o‘rin olgan “So‘g‘diyona” hamda “Qo‘qon-1912” jamoalari vakillari va o‘yin komissari ishtirokida majlis bo‘lib o‘tdi.
Yig‘ilishda ertangi o‘yin bilan bog‘liq bo‘lgan tashkiliy masalalar ko‘rildi. O‘yin komissari E Baxtiyorov yana bir bor jamoalar vakillariga reglament bo‘yicha tartib qoidalarni eslatib o‘tdi
Jamoalar ertangi o‘yinda qaynday rangdagi liboslarda maydonga tushishlari haqida ham kelishib olishdi. Unga ko‘ra mezbonlar , “So‘g‘diyona” jamoasi oq-qora, “Qo‘qon-1912” jamoasi esa havorang liboslarda maydonga chiqishlari ma’lum bo‘ldi. Uchrashuv hakamlari esa qizil rangli liboslarda uchrashuvni boshqarib borishadi.
Qo‘qondan kelgan muxlislar uchun Jizzaxdagi 12-stadionda sektor ajratiladi. Mehmon jamoa muxlislariga bepul chiptalar taqdim qilinadi
