“Liverpul” yarim finalning dastlabki bahsida “Roma” ustidan yirik hisobda g‘alaba qozondi.

Uchrashuvda Muhammad Saloh va Roberto Firmino dubl muallifiga aylangan bo‘lsa, yana bir gol Sadyo Mane nomiga yozilda.

Gap shundaki, “qizillar”ning mazkur hujum uchligi YECHLning joriy mavsumida 28 ta gol urishning uddasidan chiqdi.

Solishtirish uchun “Barselona”dagi Messi – Suares – Neymar uchligini oladigan bo‘lsak, ular 2014/2015 yil mavsumida 27 ta gol urishgan. Lekin shu mavsumda YECHLni g‘olib sifatida yakunlagan. MSN uchligi undan keyingi ikki mavsumda esa 17 va 18 ta to‘p kiritgan.

“Real” uchligi Benzema – Beyl, Krishtianu Ronaldu esa 2013/2014 yil mavsumida 28 ta gol urgan. “Qirollik klubi” o‘sha mavsum YECHL g‘olibiga aylangandi.