“AGMK”-“Nasaf” uchrashuvi yakunlangach matbuot anjumani tashkil etildi. Matbuot anjumanining dastlabki qismida Ro‘ziqul Berdiyev va bugungi uchrashuvning eng yaxshi o‘yinchisi bo‘lgan, himochimiz Igor Golbanlar ishtirok etishdi.

Ro‘ziqul Berdiyev:- O‘yinga o‘zlaringiz guvoh bo‘ldilaringiz to‘p ko‘proq maydonda emas havoda bo‘ldi. “AGMK” jamoasini o‘yinlarini o‘rganganimizda shu narsaga guvoh bo‘ldikki, jamoa standart vaziyatlardan yaxshi foydalanadi. Futbolchilari maydon chetidan to‘pni uzoqqa oshirib bera oladi. Biz bu haqda yigitlarga uqtirgan edik. Futbolchilarimiz bugun bunaqa vaziyatlarda bexato o‘ynashdi. Ammo biz o‘zimiz yaratgan vaziyatlarni golga aylantira olmayapmiz. Mana to‘rt o‘yinda 0-0  hisobini qayd etdik. Go‘yoki biz hujumchisiz o‘ynayotgandekmiz. Futbolda gol urmasdan g‘alaba qozonib bo‘lmaydi. Bu bizning kamchiligimiz. Bunga endi jiddiy e’tibor qaratmasak bo‘lmaydi.

Moliyaviy qiyinchilik? Bu haqiqat. Biz buni boshdan kechirayapmiz. Ammo “Nasaf”dek klub bunday ahvolga tashlab qo‘yilmaydi. Rahbarlarimiz bu vaziyatdan chiqib ketish ustida bosh qotirishayapti. Bu holat vaqtinchalik hammasi izga tushib ketadi deb, o‘ylayman.

Igor Golban:- Maydonda yaxshi harakat qilayapmiz. Ammo tashkil etgan hujumlarimizni golga aylantirishda oqsayapmiz. Bu kamchiligimiz ustida ko‘proq ishlashimiz kerak. Umid qilaman keyingi o‘yinlarimizda bunday bo‘lmaydi.