"Paxtakor"ning chernogoriyalik himoyachisi Marko Simich "Lokomotiv" bilan o‘yindan avval uchrashuv xususida fikrlarini bildirdi.
- Qiyin o‘yin bo‘lishini kutyapmiz. «Lokomotiv» oxirgi ikki bellashuvda zafar quchdi.
Ular o‘zlarini tiklab borishmoqda. Chempionlar ligasidagi o‘yinlar sababli bu jamoada muammolar yuzaga keldi.
Ayni paytda tig‘iz taqvim tufayli barchada tiklanish va keyingi uchrashuvlarga tayyorlanish borasida qiyinchiliklar paydo bo‘ldi.
Jamoalar bir xil vaziyatda deb aytsak xato bo‘lmaydi. Biz o‘z o‘yinimizni namoyish etishga intilamiz.
Raqibimiz o‘tgan yilgi chempion, ular chiroyli va hujumkor futbol ko‘rsatishga urinishadi. Kuchli jamoa ekanini ayta olaman. Yaxshi saviyadagi o‘yinchilar jamlangan.
Astalik bilan oldinga qadam tashlab bormoqdamiz. O‘tgan yilgi uchrashuvda bu jamoa darvozasini ishg‘ol qilgandim. Ayni paytda biz uchun eng muhimi jamoaviy g‘alaba.
