O‘zbekiston futbol assosiasiyasi tomonidan yurtimizda futbolni rivojlantirish va ommalashtirish, sog‘lom turmush tarzini targ‘ib qilish borasida bir qator chora-tadbirlar amalga oshirilayotgani haqida xabar berib o‘tgandik.

Jumladan, yurtimiz aholisi va mehmonlari uchun stadionga istalgan vaqtda kelib, o‘zbek futboli tarixi va yutuqlari bilar tanishish uchun imkoniyatlar yaratildi.

Bugun maktab o‘quvchilari bilan bir qatorda chet ellik sayyohlar uchun ham "Bunyodkor" stadioniga ekskursiya uyushtirildi.

Ular "Bunyodkor" maydoni, futbolchilarning kiyim almashtirish xonalari, klub muzeyi va boqsha diqqatga sazovor joylar bilan yaqindan tanishishdi. Shuningdek, faxriy mehmonlar kitobiga o‘z dil izhorlarini yozib qoldirishdi.

Bu kabi tadbirlar yurtimiz futbolini butun dunyoda targ‘ib qilish bilan birgalikda, O‘zbekistonda turizmni rivojiga ham hissa qo‘shishi aniq.