O‘zbekistonning zaif eshituvchilar terma jamoasi Osiyo chempionatida ishtirok etish Janubiy Koreyaga yo‘l olgani haqida avval xabar berib o‘tgandik.

Janubiy Koreyaning Changvun 4-Osiyo chempionati bo‘lib o‘tmoqda. Murodjon Ahmedov boshchiligidagi O‘zbekiston terma jamoasi musobaqaning “A” guruhida Janubiy Koreya, Malayziya, Yaponiya terma jamoalari bilan bir guruhdan joy olgan. "V" guruhida esa Eron, Tayland, Saudiya Arabistoni, Kuvayt va Ummon termalari kurash olib bormoqda. 

Vakillarimiz dastlabki ikkita o‘yinda mag‘lub bo‘lishgandi. Yaponiyaga qarshi 0:2, Malayziyaga qarshi esa 2:4 hisoblari qayd etilgani haqida avval xabar berib o‘tgandik.

2 may kuni vakillarimiz guruhdagi so‘nggi uchrashuvda musobaqa mezbonlari Janubiy Koreyaga qarshi bahs olib borishdi. Uchrashuvda O‘zbekiston terma jamoasi Janubiy Koreya futbolchilariga 0:5 yutqazib, mag‘lubiyatlar sonini 3 taga yetkazib olishdi.

Musobaqa formatiga ko‘ra ikkita guruhdagi 9ta jamoa ichida dastlabki 5ta o‘rinni egallagan jamoalar Jahon chempionati yo‘llanmasini qo‘lga kiritishadi.

Endi vakillarimiz ertaga 4 may kuni "V" guruhidagi Saudiya Arabistoni terma jamoasiga qarshi bahs olib borishadi. Uchrashuv Toshkent vaqti bilan soat 06:00da boshlanadi.