Bunyodkor” – «Nasaf» uchrashuvi yakunlangach, o‘yin yakunlariga bag‘ishlangan an’anaviy matbuot anjumani o‘tkazildi. Matbuot anjumanining dastlabki qismida "Nasaf" klubi bosh murabbiyi Ro‘ziqul Berdiyev ishtirok etdi.

"O‘yin qiziqarli o‘tdi. Menimcha bugun ikkala jamoa ham mazmunli o‘yin namoyish etishdi. Raqibimizni o‘rganganimizda bugungi uchrashuvda harakat qilgan Sobirxo‘jayev, G‘iyosovlar jamoaning oxirgi o‘yinlarida «Bunyodkor» jamoasining faol o‘yinchilari bo‘lishmoqda.

Bugun aynan shu o‘yinchilarning aqqli harakati va mahorati raqibimiz uchun foydali bo‘ldi. Biz ham harakat qildik, hozirgi holatimizdan kelib chiqqan holda.

Nega hozirgi holatimiz deb aytayapman? Jamoamizda kuch va ishtiyoq yetishmayapti. Futbolchilarimiz maydonda yengil, ya’ni erkin harakat qila olishmayapti.

Toliqishdan qutula olmayapmiz. Hujumlarimizni gol bilan yakunlashda ancha oqsayapmiz. Albatta «Bunyodkor» jamoasini bugungi g‘alaba bilan tabriklayman, ular yaratgan vaziyatlarni golga aylantirishib, g‘alaba qozonishdi.

Biz bugun vaziyatni unglash uchun, ikkinchi bo‘limda ikki nafar hujumchi bilan harakat qildik. Bu kutgan natijani bermadi, aksincha darvozamizdan ikkinchi golni o‘tkazib yubordik. To‘g‘ri, oxirgi daqiqada gol urishga erishdik.

Ammo bu bizga kamlik qildi. Bizda vaziyatni qo‘lga olib, hujumlarimizni golga aylantira oladigan o‘yinchi yetishmayapti.

Maydonga tushgandan keyin yaxshi natija uchun harakat qilish kerak. Ayrim o‘yinchilarimizning foydali jihati kamayib ketmoqda, bu ham toliqish tufayli.