"Santos"ning 17 yoshli himoyachisi Rodrigo Silva de Gois "Barselona" o‘yinchiga aylanishi mumkin.
Futbolchining otasi klub bilan muzokaralar uchun Kataloniya poytaxtiga yetib kelgan, deya xabar beradi Sport.es.
"Barselona" skautlari Rodrigoni o‘z yoshida eng istiqbolli futbolchi deb hisoblamoqdalar. Uni Neymarga qiyoslamoqdalar.
Rodrigoning "Santos" bilan shartnomasi 2022 yilgacha tuzilgan. Uning tovon puli 50 million yevro qilib belgilangan.
De Gois asosiy jamoa tarkibida 7 uchrashuvda 2 ta gol urdi. Shuningdek, Braziliya o‘smirlar terma jamoasida 4 uchrashuvda 3 ta gol urgan.
