Endigina yilning 5-oyi boshlandiyu, ko‘pchilik «Oltin to‘p»ni «Liverpul» goleadori Muhammad Salohga «topshirish taraddudi»ga tushib qoldi.
Hattoki, Krishtianu Ronaldu va Lionel Messining shaxsiy muxlislari orasida ham misrlik yangi yulduz yangi laureat sifatida gavdalanishiga xayrixohlar juda ko‘p. Nima, ko‘pchilik argentinalik va portugaliyalikning «gegemon»lik davridan zerikdimi?
Bunday deyish uncha to‘g‘ri emas. Axir Ronaldu va Messi ijrosidagi gollar yoki maftunkor o‘yinlardan bezish - chiroyli futboldan yuz o‘girish bilan teng-ku. Shunday ekan, hamma gap Salohning o‘zida!
Qarang, joriy mavsum gol urishda benazir maromga kirib olgan Misr terma jamoasi yetakchisi shu kungacha bir qator yo‘nalishlarda umume’tirofga erishdi.
1. VVS talqini bo‘yicha Afrikaning eng yaxshi futbolchisi bo‘ldi.
2. AFK tomonidan Afrikaning eng yaxshi futbolchisi sifatida e’tirof etildi.
3. CHLda 3 marta haftaning eng yaxshi futbolchisi bo‘ldi.
4. APLda 4 marta oy laureatiga aylandi.
5. 5 oy yakuniga ko‘ra, «Liverpul»ning eng yaxshi futbolchisi bo‘ldi.
6. 6 oy yakuniga ko‘ra, «Liverpul»ning eng yaxshi to‘purari bo‘ldi.
Salohning mavsumdagi 7ta eng zo‘r o‘yini
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
