“Reynjers” klubining yangi bosh murabbiyi Stiven Jerrard jamoaga Martin Shkrtelni olib kelmoqchi.

37 yoshli mutaxassis birinchi marta katta klubda ish boshladi. “Reynjers” muxlislari uni iliq kutib olishdi va yangi mavsumda Jerrarddan umidlari katta ekanligini yashirishmayapti. Stiven esa ishni jamoa tarkibini isloh qilishdan boshladi. U birinchi bo‘lib “Fenerbaxche” himoyachisi, bir paytlar “Liverpul”da birga to‘p surgan sobiq jamoadoshi Martin Shkrtelga e’tibor qaratdi.

Shkrtel joriy mavsumda 19 ta o‘yinda maydonga tushib, 3 ta gol urishga ulgurdi. Uning jamoasi chempionlik uchun kurashmoqda.