“Рейнжерс” клубининг янги бош мураббийи Стивен Жеррард жамоага Мартин Шкртелни олиб келмоқчи.

37 ёшли мутахассис биринчи марта катта клубда иш бошлади. “Рейнжерс” мухлислари уни илиқ кутиб олишди ва янги мавсумда Жеррарддан умидлари катта эканлигини яширишмаяпти. Стивен эса ишни жамоа таркибини ислоҳ қилишдан бошлади. У биринчи бўлиб “Фенербахче” ҳимоячиси, бир пайтлар “Ливерпул”да бирга тўп сурган собиқ жамоадоши Мартин Шкртелга эътибор қаратди.

Шкртел жорий мавсумда 19 та ўйинда майдонга тушиб, 3 та гол уришга улгурди. Унинг жамоаси чемпионлик учун курашмоқда.