“Yuventus” klubi bosh murabbiyi Massimiliano Allegri Italiya chempionati yakunlangandan so‘ng rahbariyat bilan kelajagi haqida gaplashib oladi.

50 yoshli mutaxassis “Yuventus” prezidenti Andrea Anyelli bilan yaxshi munosabatda, bundan tashqari direktor Beppe Marotta bilan ham yaxshi til topisha olgan.

Ma’lumotlarga ko‘ra, turinliklar Allegrining o‘zi klubdan ketishni istasa uni qo‘yib yuborishadi. Allegrining amaldagi shartnomasi 2019 yilga qadar davom etadi.

Hozirda Allegri Luis Enrike bilan birga “Arsenal”ga keladigan murabbiylar short-listida bo‘lib turibdi. Lekin har ikki mutaxassis ham London klubi ichki strukturasiga shubha bilan qarashmoqda.