“Ювентус” клуби бош мураббийи Массимилиано Аллегри Италия чемпионати якунлангандан сўнг раҳбарият билан келажаги ҳақида гаплашиб олади.
50 ёшли мутахассис “Ювентус” президенти Андреа Аньелли билан яхши муносабатда, бундан ташқари директор Беппе Маротта билан ҳам яхши тил топиша олган.
Маълумотларга кўра, туринликлар Аллегрининг ўзи клубдан кетишни истаса уни қўйиб юборишади. Аллегрининг амалдаги шартномаси 2019 йилга қадар давом этади.
Ҳозирда Аллегри Луис Энрике билан бирга “Арсенал”га келадиган мураббийлар шорт-листида бўлиб турибди. Лекин ҳар икки мутахассис ҳам Лондон клуби ички структурасига шубҳа билан қарашмоқда.
