Ispaniya chempionati 34-turi doirasida «Sevilya» hamda «Real» o‘rtasidagi qoldirilgan uchrashuv o‘z poyoniga yetdi. Qiziqarli tarzda o‘tgan o‘yin 3:2 hisobida mezbonlarning g‘alabasi bilan yakunlandi.
Dastlab, uchrashuvning 26-daqiqasida Ben-Yedder hisobni ochdi. Taym yakunlanishi arafasida mezbonlar yana bir ajoyib qarshi hujum tashkil etishdi va Migel Layyun vaziyatni gol bilan yakunladi.
Ikkinchi bo‘lim o‘rtalariga kelib, «Real» futbolchilari penalti tepish imkoniyatiga ega bo‘lishdi, ammo Serxio Ramosning zarbasi to‘singa tegib darvoza chizig‘idan qaytdi.
84-daqiqada «Sevilya»ning yana bir hujumi gol bilan yakunlandi. Gabriyel Merkadoning zarbasidan so‘ng to‘p Ramosning oyog‘idan darvoza to‘riga borib tushdi, 3:0.
87-daqiqada Asensioning uzatmasidan so‘ng Mayoral boshi bilan darvozani ishg‘ol qilib, hisobni qisqartirdi. Hakam tomonidan qo‘shib berilgan daqiqalarda esa madridliklar yana bir penalti tepish imkoniyatiga ega bo‘lishdi va bu safar jamoa sardori zarbada adashmadi, 3:2.
Mehmonlar o‘yin yakunida kichik iroda namoyish qilishdi. Ammo mag‘lubiyatdan qutilib qolish «Real»ga nasib etmadi.
Ispaniya primerosi. 34-tur
Sevilya – Ryeal madrid – 3:2 (2:0)
9 may, «Ramon Sanches Pisxuan»
Gollar: 1:0 – 26 Ben-Yedder, 2:0 – 45 Layyun, 3:0 – 84, avtogol Ramos, 3:1 – 87 Mayoral, 3:2 – 90, penalti Ramos.
Sevilya: Soriya, Langle, Parexa, Eskudero, Merkado, Nzonzi, Pisarro, Vaskes (Mesa, 79), Layyun, Muriel (Sandro Ramires, 62), Ben-Yedder (Karrisu, 81).
Real Madrid: Kasilya, Valyexo, Teo, Nacho, Ramos, Sebalyos (Mayoral, 70), Kazemiro (Lyorente, 87), Vaskes, Kovachich, Asensio, Benzema.
Ogohlantirishlar: Merkado (42), Pisarro (69), Ramos (83), Eskudero (90).
