“Manchester Yunayted” ustozi Joze Mourinyo bugun “Vest Xem”ga qarshi bo‘ladigan o‘yindan oldin Lukakuning ahvoli haqida ma’lumot berdi.

Portugaliyalik mutaxassisning ta’kidlashicha, belgiyalik hujumchi bugun maydonga tushmaydi. U, shuningdek, so‘nggi turda “Uotford”ga qarshi ham o‘ynamaydi.

“Daily Mail” nashrining yozishicha, Lukaku Angliya kubogi finalida maydonga tusha olmasligi ham mumkin. Ammo Mourinyoning aytishicha, Lukakuga ikki o‘yinlik hordiq finalga tayyorgarlik ko‘rish imkoni bo‘lib xizmat qiladi.