“Qo‘qon-1912” - “Neftchi” uchrashuvidan keyingi matbuot anjumanida No‘’mon Hasanov hamda Javohir Sidiqovlar qatnashishdi.
"Bugun bolalarda charchoq alomatli sezildi. Raqib bir kishi kam bo‘lishiga qaramay, g‘alaba qozona olmadik. “Neftchi” jamoasini bir ochko bilan tabriklayman. Gol urgach, tezda raqib hisobni tenglashtirdi. Bu qaysidir ma’noda rejalarimizni buzib yubordi.
“Neftchi” futbolchilari himoyada yaxshi to‘p surishdi. Ularning yo‘qotadigan narsasi yo‘q edi. Shuning uchun bosimsiz o‘ynashdi.
Biz esa har doim g‘alaba qozonish uchun maydonga tushamiz. Bugun vaziyatlardan foydalana olmadik. Keyingi o‘yinlarda muxlislarimizni xursand qilishga harakat qilamiz.
