Bugun O‘zbekiston futbol assosiasiyasida Farg‘ona futboli rivojiga uzoq yillar davomida katta hissa qo‘shib kelgan, Farg‘ona viloyati futbol assosiasiyasi vise-prezidenti lavozimida faoliyat yuritib kelayotgan Tohir Kapadzeni nafaqaga kuzatish marosimi bo‘lib o‘tdi.
O‘FA rahbariyati Tohir Veysalovich Kapadzega futbol sohasidagi uzoq yillik samarali faoliyati va fidoiy mehnati uchun minnatdorchilik bildirib, tashakkurnoma taqdim etdi.
Shuningdek, milliy an’analarimizga muvofiq Tohir Kapadzega zarbof to‘n kiydirildi. Bundan tashqari O‘zbekiston futbol assosiasiyasi nomidan esdalik sovg‘alari topshirildi.
O‘z o‘rnida Tohir Kapadze ko‘rsatilgan e’tibor uchun O‘FA rahbariyatiga minnatdorchilik bildirar ekan, end davr yoshlarniki ekanini, yosh mutaxassislarga futbol rivoji amalga oshirayotgan chora-tadbirlari davomida maslahatgo‘y bo‘lishga tayyorligini ma’lum qildi.
O‘FA rahbariyati Tohir Kapadzening keyingi faoliyatiga omad tilab qoladi!
