PEPSI Superliga 11-turida “So‘g‘diyona” o‘z maydonida “Bunyodkor” klubini qabul qildi va 1:2 hisobida mag‘lubiyatga uchradi. O‘yindan so‘ng “Bunyodkor” jamoasi bosh murabbiyi Mirjalol Qosimov  va o‘yinning eng yaxshi futbolchisi deb topilgan Rustam Ashurmatovlar matbuot anjumanida  ishtirok etdi.

-Oxirgi turlarda juda qiyin o‘yinlarni o‘tkazdik. “Nasaf”ga qarshi bahsda juda ko‘p kuch yo‘qotdik. Qisqa muddat ichida  “So‘g‘diyona”ga qarshi tayyorgarlik olib borish  va shu bilan birga  futbolchilarni ruxan tayyorlash zarur edi. O‘yin og‘ir kechdi. Raqiblar qarshi xujum taktikasini tanladi va besh himoyachi bilan o‘ynadi. Bu esa bizga qiyinchilik tug‘dirdi. 11 kishini yorib kirish oson emas. Futbolchilar maydonda yaxshi harakat qilishdi va 2 ta gol kiritib o‘ylaymanki xaqli g‘alabaga erishdik.

-Bugungi mag‘lubiyatdan xulosa chiqargan holda “Paxtakor”ga qarshi tayyorgarlik ko‘ramiz. Og‘ir o‘yin bo‘ldi. Superligada hozir oson o‘yinning o‘zi yo‘q. Mag‘lubiyatning a’lamli bo‘lgani sababi biz o‘zimiz qilgan  xatolarimiz evaziga gol o‘tkazib yubordik. Ikki xatomizdan ham raqiblar foydalanib qoldi. Xatolarmiz ustida ishlaymiz va “Paxtakor” ga qarshi bahsda faqat g‘alaba uchun maydonga chiqamiz-deydi Toxir Shamsitdinov

“So‘g‘diyona” PFK matbuot xizmati