10 may kuni Rossiya poytaxti Moskva shahrida Mehribonlik uylari o‘rtasida Jahon chempionati start oldi.
Ushbu turnirda tarixda birinchi marotaba O‘zbekiston terma jamoasi ham ishtirok etmoqda. Mundialda 14-17 yoshdagi futbolchilar qatnashishyapti.
O‘zbekiston terma jamoasi guruhda Pokiston bilan 0:0 hisobida durang o‘ynadi, Rossiyani esa 2:0 hisobida mag‘lub etib guruhdan keyingi bosqichga chiqishga muvaffaq bo‘ldi.
Chorak finalda Jamshid Asadov shogirdlari Nepalni 2:1 hisobida taslim qilib yarim finalga yo‘l olishdi. Yarim finalda hamyurtlarimiz Burundi bilan to‘qnash kelishadi.