"Paxtakor" "PEPSI Superliga"ning 12-tur o‘yinida Jizzaxda "So‘g‘diyona"ga qarshi maydonga tushadi.

15 may kuni "Paxtakor" ikkinchi davra bahslarini Jizzaxdagi bellashuv bilan boshlaydi.

Peshqadamlikni davom ettirayotgan “Pahtakor” uchun har bir uchrashuv muhim ahamiyat kasb etadi. Bellashuvni diskvalifikasiya sababli o‘tkazib yuboradigan futbolchilar jamoalar safida mavjud emas.

Chempionatlar tarixida jamoalar 44 bor kuch sinashishgan. 36 uchrashuvda "Sherlar" g‘olib bo‘lishgan. 4 martadan durang va raqib muvaffaqiyati kuzatilgan. 115 bor "So‘g‘diyona" darvozasini ishg‘ol qilgan jamoamiz 37 gol o‘tkazib yuborgan.

Jizzaxdagi 22 o‘yinning 16tasida "Paxtakor" zafar quchgan. Mezbonlar hisobida uch g‘alaba mavjud. Uchta bellashuvda kuchlar teng kelgan. Mehmonda so‘nggi to‘rt o‘yinda jamoamiz ketma-ket g‘alaba qozongan.

"So‘g‘diyona" va "Paxtakor" jamoalari o‘rtasidagi uchrashuv 15 may, seshanba kuni 18:00da "So‘g‘diyona" stadionida boshlanadi.