PEPSI O‘zbekiston Superligasi 11-turidan o‘rin olgan “Lokomotiv” – “Buxoro” jamoalari uchrashuvi tanaffusi vaqtida stadionga tashrif buyurgan muxlislar o‘rtasida yutuqli sovg‘alar lotereyasi bo‘lib o‘tdi.
“Lokomotiv” PFKning rasmiy hamkorlari hisoblanadigan Elmakon do‘konlar tarmog‘i va Alskom sug‘urta kompaniyalari tomonidan taqdim etilgan sovg‘alar egalari maxsus lotereya orqali aniqlandi.
Lototronga joylashtirilgan raqamli qog‘ozchalarni tortishda “Lokomotiv” jamoasining jajji muxlislaridan biri yaqindan yordam berdi.
Yakunda 5 nafar ishqiboz Alskom kompaniyasining maxsus sovg‘alariga ega bo‘ldi. Yana 3 nafar muxlis esa Elmakon do‘konlar tarmog‘idan 400 ming so‘mdan 1 million so‘mgacha bo‘lgan sovg‘ali vaucherlar egasiga aylandi.
“Lokomotiv” navbatdagi uchrashuvini 22 may kuni o‘z maydonida “Qizilqum”ga qarshi o‘tkazadi. Ushbu o‘yinda ham sizni bundanda ajoyib sovg‘alar kutmoqda.
