Saudiya Arabistonilik hakam Fahad Al Mirdasi JCH-2018 musobaqasida ishlashi lozim edi, ammo u kelishilgan o‘yin tashkillashtirishda ayblanib, diskvalifikasiya qilindi.
Saudiya Arabistoni futbol federasiyasi 32 yoshli hakamni kelishilgan o‘yin tashkillashtirishda ayblab, chetlatdi. Al Mirdasi mamlakat kubogi finalini boshqarishi kerak edi.
Federasiya tarqatgan ma’lumotga ko‘ra, Al Mirdasi klublardan birining vakiliga tekstli xabar yo‘llab, ma’lum summa evaziga ularga kerakli bo‘lgan natijani ta’minlashni taklif qilgan. Klub bu haqida darhol federasiyani ogohlantirgan va huquqni muhofaza qilish organlariga xabar bergan.
Hakam ayni paytda polisiyada saqlanmoqda. Al Mirdasi o‘yin oldidan almashtirilgan. U Konfederasiyalar kubogida ishlagan, JCH-2018 da ham ishlashi lozim edi.
Saudiya Arabistoni FIFAga murojaat qilib, ushbu diskvalifikasiyani dunyo miqyosida qo‘llamaslikni so‘ragan.
