Bugun, 15 may kuni Ispaniya futbol federasiyasi texnik direktori Xose Migel Zuniga Kiko va O‘zbekiston futbol assosiasiyasi yuristi Z.Xoliqov Jizzax shahriga tashrif buyurdi.
Mehmonlarni viloyat jismoniy tarbiya va sport boshqarmasi boshlig‘i I.Tojiboyev, viloyat futbol federasiyasi 1-vise prezidenti A.Musulmonov, Jizzax shahar xokimining investisiya va turizm sohasini rivojlantirish bo‘yicha o‘rinbosari SH.Ibragimov kutib oldi.
Tashrif davomida mehmon viloyatda futbolga yaratilgan shart-sharoitlar, viloyat futbol federasiyasi, «So‘g‘diyona» PFK faoliyati, sport maktablar va futbol maktab-internati faoliyati bilan tanishdi. Shuningdek, viloyatdagi mavjud sport muassasalari rahbarlari, futbol maktab internat murabbiylari va tarbiyalanuvchilari bilan uchrashuv va mahorat saboqlari o‘tkazdi.
Uchrashuv davomida mehmon murabbiylar va sportchilarni qiziqtirgan savollarga javob berdi. Ispaniya va Yevropaning o‘ziga tanish futbol federasiyalari faoliyati to‘g‘risida, seleksiya va jamoalarni shakllantirish, texnik-taktik tayyorgarlik, futbolni yanada rivojlantirish chora-tadbirlari to‘g‘risida gapirdi.