10 may kuni Rossiya poytaxti Moskva shahrida Mehribonlik uylari o‘rtasida Jahon chempionati start olgan edi.

Ushbu turnirda tarixda birinchi marotaba O‘zbekiston terma jamoasi ham ishtirok etmoqda. Mundialda 14-17 yoshdagi futbolchilar ishtirok etishdi.

O‘zbekiston terma jamoasi guruhda Pokiston bilan 0:0 hisobida durang o‘ynashdi, Rossiyani esa 2:0 hisobida mag‘lub etib guruhdan chiqishgandi. Chorak finalda vakillarimiz Nepalni 2:1 hisobida taslim qilib yarim finalga chiqishgandi.

Yarim finalda hamyurtlarimiz Burundini 1:0 hisobida mag‘lub etib finalga chiqishdi.

Finalda O‘zbekiston Pokiston bilan o‘ynadi. Uchrashuvning 6-daqiqasida hujumchimiz Ruslan Kotov hisobni ochdi -1:0. Keyin pokistonliklar hisobni tenglashtirdi. Asosiy vaqt 1:1 hisobida durang bilan tugadi. Penaltilar seriyasida omad vakillarimizga kulib boqdi - 6:5.