10 май куни Россия пойтахти Москва шаҳрида Меҳрибонлик уйлари ўртасида Жаҳон чемпионати старт олган эди.

Ушбу турнирда тарихда биринчи маротаба Ўзбекистон терма жамоаси ҳам иштирок этмоқда. Мундиалда 14-17 ёшдаги футболчилар иштирок этишди.

Ўзбекистон терма жамоаси гуруҳда Покистон билан 0:0 ҳисобида дуранг ўйнашди, Россияни эса 2:0 ҳисобида мағлуб этиб гуруҳдан чиқишганди. Чорак финалда вакилларимиз Непални 2:1 ҳисобида таслим қилиб ярим финалга чиқишганди.

Ярим финалда ҳамюртларимиз Бурундини 1:0 ҳисобида мағлуб этиб финалга чиқишди.

Финалда Ўзбекистон Покистон билан ўйнади. Учрашувнинг 6-дақиқасида ҳужумчимиз Руслан Котов ҳисобни очди -1:0. Кейин покистонликлар ҳисобни тенглаштирди. Асосий вақт 1:1 ҳисобида дуранг билан тугади. Пенальтилар сериясида омад вакилларимизга кулиб боқди - 6:5.