“Atletiko” bosh murabbiyi Diyego Simeone Yevropa ligasi finalida “Marsel” ustidan qozonilgan g‘alaba haqida o‘z fikrlarini aytib o‘tdi.

“Yildan yilga jamoamiz o‘yinchilari ajoyib ishlayapti. Eng asosiysi, g‘alabaga erishishni o‘ziga singdirish. Biz ikki marta YECHLning finalida o‘ynaganmiz va unda g‘alabaga juda yaqin edik. Lekin bugungi g‘alaba bizni yanada kuchliroq bo‘lganimizni tasdiqlaydi. Oxirgi 8-10 yil “Atletiko” uchun ajoyib yillar bo‘ldi. Avvalo biz kerakli insonlarni topdik va qolgan o‘yinchilar ham yanada o‘sdi.

Men yolg‘izlik alamini ta’tib ko‘rdim va bu narsa menga juda qayg‘uli va alamli bo‘ldi. Lekin futbolchilar bilan munosabatim a’lo darajada", — dedi argentinalik murabbiy.

"Biz nima hoxlayotganimizni yaxshi anglab yetgandik. Ikkinchi taymni juda yuqori saviyada o‘tkazdik.

Grizmanni o‘tgan yillarda qanday o‘ynagan bo‘lsa, yana shunday harakat qilishini xohlar edik. Umid qilamanki, u xursand va “Atletiko”da qoladi. U ketadimi degan savolni menga emas, balki, uning o‘ziga berilishini xohlayman.

Torres eng yaxshi xayrlashuvga loyiq bo‘ldi. Uning orzulari ushaldi. O‘ylaymanki, yakshanba kuni “Vanda Metropolitano” ehtiroslardan jo‘shib ketsa kerak. Men Fernandoga hech narsa bermadim, balki u o‘zi hamma narsaga erishdi. U juda yaxsha inson”, – deydi Simeone.

Eslatib o‘tamiz, Diyego Simeone diskfalifikasiya tufayli zaxira o‘rindig‘ida o‘tirmadi.