“Атлетико” бош мураббийи Диего Симеоне Европа лигаси финалида “Марсель” устидан қозонилган ғалаба ҳақида ўз фикрларини айтиб ўтди.

“Йилдан йилга жамоамиз ўйинчилари ажойиб ишлаяпти. Энг асосийси, ғалабага эришишни ўзига сингдириш. Биз икки марта ЕЧЛнинг финалида ўйнаганмиз ва унда ғалабага жуда яқин эдик. Лекин бугунги ғалаба бизни янада кучлироқ бўлганимизни тасдиқлайди. Охирги 8-10 йил “Атлетико” учун ажойиб йиллар бўлди. Аввало биз керакли инсонларни топдик ва қолган ўйинчилар ҳам янада ўсди.

Мен ёлғизлик аламини таътиб кўрдим ва бу нарса менга жуда қайғули ва аламли бўлди. Лекин футболчилар билан муносабатим аъло даражада", — деди аргентиналик мураббий.

"Биз нима ҳохлаётганимизни яхши англаб етгандик. Иккинчи таймни жуда юқори савияда ўтказдик.

Гризманни ўтган йилларда қандай ўйнаган бўлса, яна шундай ҳаракат қилишини хоҳлар эдик. Умид қиламанки, у хурсанд ва “Атлетико”да қолади. У кетадими деган саволни менга эмас, балки, унинг ўзига берилишини хоҳлайман.

Торрес энг яхши хайрлашувга лойиқ бўлди. Унинг орзулари ушалди. Ўйлайманки, якшанба куни “Ванда Метрополитано” эҳтирослардан жўшиб кетса керак. Мен Фернандога ҳеч нарса бермадим, балки у ўзи ҳамма нарсага эришди. У жуда яхша инсон”, – дейди Симеоне.

Эслатиб ўтамиз, Диего Симеоне дискфалификация туфайли захира ўриндиғида ўтирмади.