Xabaringiz bor, Milliy olimpiya qo‘mitasi yurtimizda aholining turli qatlamlarini sportga jalb etish maqsadida keng ko‘lamli ishlar olib bormoqda. Sportni yanada ommalashtirish, sog‘lom turmush tarzini targ‘ib etish yo‘lida musobaqalar maktabgacha ta’lim muassalaridan boshlanib, faxriylar o‘rtasidagi turnirlar bilan davom etttirilmoqda.

Bugun ana shunday tadbirlardan biri Shaxmat bo‘yicha Respublika ixtisoslashtirilgan bolalar-o‘smirlar sport maktabida faxriylar o‘rtasida tashkil qilindi. Shaxmat, shashka va stol tennisi kabi sport turlari bo‘yicha “Xotira va qadrlash kuni”ga bag‘ishlab tashkil etilgan o‘ziga hos musobaqada 100 nafarga yaqin faxriy sportchi o‘zaro bellashdilar.

Tadbir avvalida musobaqaning ochilish marosimi bo‘lib o‘tdi. Turli tabriklar, tilaklardan so‘ng bellashuvlarga start berildi.

Qizg‘in va do‘stona ruhda o‘tgan bahslarda kuchli uchlikka kira olgan faxriylarga Milliy olimpiya qo‘mitasining diplom va esdalik sovg‘alari topshirildi. Ushbu tadbir ishtirokchi sportchilarga olam-olam zavq bag‘ishladi.

E’tiboringizga bellashuvlarda sovrindor bo‘lgan sportchilar ro‘yxatini taqdim etamiz:

Stol tennisi:

1-o‘rin: D.Murodxodjayev
2-o‘rin: I.Abdumutalov
3-o‘rin: A.Sematin

Shashka:

1-o‘rin: A.Toshtemirov
2-o‘rin: X.Azizov
3-o‘rin: A.Butuzov

Ayollar:

1-o‘rin: O.Ahmedova
2-o‘rin: S.Abdulina
3-o‘rin: G.Holmatova

Shaxmat:

1-o‘rin: L.Kim
2-o‘rin: V.Egin
3-o‘rin: V.Vasilenko