Xabaringiz bor, yurtimizda yosh avlodni sportga qiziqtirish, ularni ommaviy tarzda jismoniy tarbiya va sport bilan shug‘ullanishga jalb qilish yo‘lida keng ko‘lamdagi ishlar olib borilmoqda.

Bungacha Milliy olimpiya qo‘mitasi tashubbusi bilan aholining turli qatlamlari uchun mamlakatimizning muhtasham sport ob’ektlari – «Paxtakor» va «Bunyodkor» stadionlari, shuningdek, “O‘zbekiston” va “Universal” sport majmualariga ekskursiya tashkil qilingandi.

Ana shunday sayohatlardan biri kuni kecha poytaxtimizdagi 280-sonli maktab o‘quvchilari uchun tashkil etib berildi. Yosh o‘quvchilar Respublika olimpiya zaxiralari kollejiga tashrif buyurishdi. O‘quv-sport maskani hududida joylashgan mashg‘ulot zallari, yugurish yo‘lakchalari, maxsus otxona kelajagimiz egalarida katta taassurot qoldirdi.

Qayd etib o‘tish lozimki, bunday tadbirlar bolakaylarda sportga mehr uyg‘otishi va yosh avlod orasida sog‘lom turmush tarzini targ‘ib qilishda katta ahamiyatga ega.