Хабарингиз бор, юртимизда ёш авлодни спортга қизиқтириш, уларни оммавий тарзда жисмоний тарбия ва спорт билан шуғулланишга жалб қилиш йўлида кенг кўламдаги ишлар олиб борилмоқда.
Бунгача Миллий олимпия қўмитаси ташуббуси билан аҳолининг турли қатламлари учун мамлакатимизнинг муҳташам спорт объектлари – «Пахтакор» ва «Бунёдкор» стадионлари, шунингдек, “Ўзбекистон” ва “Универсал” спорт мажмуаларига экскурсия ташкил қилинганди.
Ана шундай саёҳатлардан бири куни кеча пойтахтимиздаги 280-сонли мактаб ўқувчилари учун ташкил этиб берилди. Ёш ўқувчилар Республика олимпия захиралари коллежига ташриф буюришди. Ўқув-спорт маскани ҳудудида жойлашган машғулот заллари, югуриш йўлакчалари, махсус отхона келажагимиз эгаларида катта таассурот қолдирди.
Қайд этиб ўтиш лозимки, бундай тадбирлар болакайларда спортга меҳр уйғотиши ва ёш авлод орасида соғлом турмуш тарзини тарғиб қилишда катта аҳамиятга эга.
