O‘zbekiston futbol assosiasiyasi yurtimizda malakali murabbiylarni tayyorlash, ularning saviyasini muntazam ravishda oshirib borish yo‘nalishida bir qator chora-tadbirlarni amalga oshirmoqda.
Shu maqsadda O‘FA mutaxassislari tomonidan yurtimizning turli viloyatlarida OFK va O‘FAning murabbiylik lisenziyalariga ega mutaxassislarning kasbiy malakasini oshirish borasida seminarlar tashkil qilinayotgani haqida avval xabar berib o‘tgandik.
Bunday seminarlar Andijon, Samarqand va Farg‘ona viloyatlarida o‘tkazildi.
Qashqadaryo viloyatining Qarshi shahrida ham futbol murabbiylari uchun seminar o‘tkazilmoqda. Seminarni O‘FA mutaxassisi Jalimov Ongarbay o‘tkazmoqda.
Seminar davomida murabbiylarning kasbiy malakasini aniqlash maqsadida ulardan nazariy va amaliy imtihonlar ham olinayotganini ta’kidlab o‘tish zarur.
Bu kabi seminarlar butun respublika bo‘ylab o‘tkazilishi rejalashtirilgan.