Ўзбекистон футбол ассоциацияси юртимизда малакали мураббийларни тайёрлаш, уларнинг савиясини мунтазам равишда ошириб бориш йўналишида бир қатор чора-тадбирларни амалга оширмоқда.
Шу мақсадда ЎФА мутахассислари томонидан юртимизнинг турли вилоятларида ОФК ва ЎФАнинг мураббийлик лицензияларига эга мутахассисларнинг касбий малакасини ошириш борасида семинарлар ташкил қилинаётгани ҳақида аввал хабар бериб ўтгандик.
Бундай семинарлар Андижон, Самарқанд ва Фарғона вилоятларида ўтказилди.
Қашқадарё вилоятининг Қарши шаҳрида ҳам футбол мураббийлари учун семинар ўтказилмоқда. Семинарни ЎФА мутахассиси Жалимов Онгарбай ўтказмоқда.
Семинар давомида мураббийларнинг касбий малакасини аниқлаш мақсадида улардан назарий ва амалий имтиҳонлар ҳам олинаётганини таъкидлаб ўтиш зарур.
Бу каби семинарлар бутун республика бўйлаб ўтказилиши режалаштирилган.
