26-31 may kunlari Rossiyaning Sankt-Peterburg shahrida boks bo‘yicha «Sankt-Peterburg Gubernatori kubogi» bahslari tashkil qilinadi. «Mixaylovskiy manej» sport majmuasi mezbonlik qiladigan turnirda Yevropa, Osiyo, Afrika va Amerikaning turli mamlakatlaridan tashrif buyurgan bokschilar ishtirok etadilar. Mazkur xalqaro musobaqada O‘zbekiston terma jamoasi bokschilari ham g‘olib va sovrinli o‘rinlar uchun kurash olib boradilar.
Terma jamoamiz bellashuvlarda quyidagi tarkibda ishtirok etadi:
-49kg: Hasanboy Do‘smatov
-52kg: Jasurbek Latipov
-56kg: Mirzobek Mirzahalilov
-56kg: Shahobiddin Zoirov
-60kg: Shunqor Abdurasulov
-64kg: Aliyor Noraliyev
-64kg: Iqboljon Xoldorov
-69kg: Mahmud G‘oipov
-69kg: Fazliddin Meliboyev
-75kg: Isroil Madrimov
-81kg: Bektemir Meliqo‘ziyev
-91kg: Sanjar Tursunov
+91kg: Bahodir Jalolov
Bokschilarimiz musobaqada murabbiylar Marat Qurbonov, To‘lqin Qilichev, Rahmatjon Ro‘zioxunov va Bahodir Erkayev qo‘l ostida ringga chiqadilar.
Shuningdek, hamyurtimiz Alisher Polvonov turnirda hakam sifatida faoliyat olib boradi.
Ta’kidlash lozimki, terma jamoamiz Rossiyaning shimoliy poytaxtiga o‘zining eng kuchli tarkibi bilan yo‘l oldi. Marat Qurbonov boshchiligidagi terma jamoa murabbiylar shtabi ushbu turnir orqali Osiyo o‘yinlarida ishtirok etadigan bokschilar jismoniy va funksional holatini yana bir bor sinovdan o‘tkazishadi. Imkoniyatlar chamalab olinadi. Maqsad Indoneziyadagi Osiyo o‘yinlarida muvaffaqiyatli ishtirok etib, yurtimiz sharafini munosib himoya qilish. Biz ushbu musobaqada bokschilarimizga omad tilaymiz.
