Vyetnamda taekvondo va parataekvondo bo‘yicha Osiyo chempionati o‘tkazilishi haqida xabar qilgandik.
Bugun musobaqada parataekvondochilar o‘z omadini sinab ko‘rishdi. Kun yakuniga ko‘ra, sportchilarimiz ikkita oltin, kumush va bronza medallarini qo‘lga kiritdi.
Oltin:
K42/-75kg: Farhodjon Mamaziyoyev
K44/+58kg: Guljanoy Naimova
Kumush:
K42/-61kg: Sanjarbek Muxtorov
Bronza:
K44/-49kg: Ziyodaxon Isoqova
Qayd etib o‘tish lozimki, +58kg vazn toifasida yurtimiz sharafini himoya qilgan Guljanoy Naimova oltin medalni qo‘lga kiritish bilan birga, musobaqaning eng yaxshi sportchisi sifatida e’tirof etildi.
Milliy olimpiya qo‘mitasi ushbu muvaffaqiyat bilan sportchi va murabbiylarimizni tabriklab qoladi.
Eslatib o‘tamiz, Taekvondo WTF bo‘yicha Osiyo chempionatiga 26 may kuni start beriladi.
