Poytaxtimizdagi Respublika Olimpiya zaxiralari sport kollejida boks bo‘yicha «Olimpiya kelajagi» musobaqasining boks bo‘yicha navbatdagi guruh bellashuvlari boshlandi.
Milliy olimpiya qo‘mitasi tashabbusi bilan tashkil qilingan ushbu musobaqaning «B» guruh bahslarida Toshkent shahri, Sirdaryo viloyati, «Dinamo» hamda MXSK jamoalari charm qo‘lqop ustalari ringda o‘zaro hisob-kitob qilishimoqda.
27 mayga qadar davom etadigan musobaqada g‘oliblikni qo‘lga kiritgan jamoa sentyabr oyida Andijon shahrida bo‘lib o‘tadigan final musobaqasida ishtirok etish huquqini qo‘lga kiritadi.
Eslatib o‘tamiz, bungacha «A» guruhida bahslar yakunlangan va unda Andijon terma jamoasi g‘oliblikni qo‘lga kiritib, final bosqichiga yo‘l olgandi.
