"Bunyodkor" bilan Toshkent derbisidan keyin "Paxtakor" bosh murabbiyi bellashuv xususida fikrlarini aytib o‘tdi.
- Birinchi o‘rinda muxlislarga tashakkur aytaman. Bugun stadionda ajoyib muhit hukmronlik qildi. Nihoyat Toshkentga haqiqiy futbol qaytayotganidan xursandman. Chunki futbol avvalo ular uchun va ishqibozlarsiz futbol o‘ynashdan ma’no yo‘q. "Paxtakor" muxlislarni futbolga qaytarish uchun barcha ishni amalga oshirmoqda.
O‘yin davomida jamoalar tavakkalga qo‘l urishni istashmadi. Birinchi taym bizning nazoratimiz ostida o‘tdi. Bir necha vaziyatlar yaratdik. Ikkinchi bo‘limda tashabbusni raqibga bergan holda qarshi hujum taktikasidan ham foydalanmoqchi bo‘ldik. Natijadan ko‘nglim to‘ldi. Muhim o‘yinda g‘alaba qozondik. Derbidagi g‘alaba doim yoqimli bo‘ladi.
