Ispaniya chempionatining so‘nggi turida madridliklar “Vilyareal”ga qarshi bahs olib bordi. Jarohatidan qutulib maydonga qaytgan Krishtianu Ronaldu va Garet Beyllar yaxshi sport formasida ekanligini ko‘rsatishdi va bittadan gol urishdi. Ammo madridliklar himoyasi mustahkam emasligi bilinib qoldi. Goal nashri ushbu bahs haqida mulohaza yuritdi.
La Ligadagi ishtirokini barbod qilgan “Real Madrid” bor e’tiborini shanba kuni Kiyevda bo‘lib o‘tadigan Chempionlar Ligasi finaliga qaratgan.
“Barselona” so‘nggi oyning oxiridayoq Primera chempionligini naqd qilganidan beri “qaymoqranglilar” uchun ichki chempionat istalmagan yo‘nalishlardan biriga aylandi. Shunga qaramay, Zinedin Zidan futbolchilarni qayta sinovdan o‘tkazish va “Liverpul”ga tayyorgarlik ko‘rish maqsadida “Vilyareal”ga qarshi yetakchi o‘yinchilarini “jangga” tashladi.
“Real” uchun bu o‘yin ahamiyatga ega bo‘lmasada, uning deyarli asosiy tarkibni maydonga tashlagani barchani ajablantirdi. Faqatgina kichik o‘zgarish – darvozani o‘z o‘g‘li Lyukaga ishonib topshirdi.
Ronaldu esa shu oy boshida “Barselona”ga qarshi “El Klassiko”da olgan jarohatidan qutulib yana maydonga qaytdi. O‘shanda Zidan Ronaldu finalgacha 120 % maydonga qaytishini aytgandi.
Ammo o‘yinda hisobni u emas, Beyl ochib berdi. Omadsiz mavsumning so‘nggi qismini fantastik tarzda o‘tkazayotgan futbolchi so‘nggi to‘rt uchrashuvdagi beshinchi golini kiritishga muvaffaq bo‘ldi.
Atigi bir necha hafta oldin uelslik futbolchi Chempionlar Ligasi finalida asosiy tarkibda maydonga tushishi so‘roq ostida edi. Ammo “Leganes”, “Barselona”, “Selta” va “Vilyareal”ga qarshi o‘yinlarda urgan gollari Zidanni o‘ylantirib qo‘ygani rost. U bunday sport formasi bilan Kiyevda ilk daqiqalardanoq harakat qiladimi?
Ronaldu esa milliy birinchilikning so‘nggi 10 uchrashuvi har birida o‘z hisobiga gol yozdirib qo‘ymoqda. Golli qaytish qilgan Ronaldu 62 daqiqada Luka Modrich bilan almashtirildi.
“Real” ungacha o‘yin nazoratini boshqarib turdi, ammo o‘yinning so‘nggi qismida madridliklar himoyasi parokandalikka uchradi va g‘alabani qo‘ldan boy berdi.
Dastlab Roje Martines yolg‘iz qolgan Lyuka Zidanni dog‘da qoldirgan bo‘lsa, ikkinchi gol Marseloning qo‘pol xatosidan keyin sodir bo‘ldi.
Yurgen Klopp Davomi «Futbol olami» blogida
