“Liverpul” klubi himoyachisi Virjil van Deyk “Real”ga qarshi o‘yin oldidan fikrlarini bildirib o‘tdi.

“Bu uchrashuvni barcha sabrsizlik bilan kutmoqda. Bunday o‘yinda ishtirok etish hamma futbolchilarga ham nasib etavermaydi.

Umid qilamanki, borimizni berib harakat qilamiz. Maydonda ta’labchan va tashkilchi bo‘lish kerak. Birinchi kunimdan boshlab bu jamoa meni iliq kutib oldi.

Albatta, omadli natijalar yanada ko‘nikishimga yordam bermoqda. “Liverpul” mening jamoam “Enfild” uyim . “Liverpul” har yil Chempionlar Ligasida qatnashishga loyiq.

Finalga chiqishimiz barchamizga o‘zgacha ta’sir qildi. Bundan zavq olib nimaga qodir ekanligimizni ko‘rsatishimiz lozim”, - deydi van Deyk.