“Navbahor” – AGMK jamoalari o‘rtasidagi uchrashuvdan so‘ng o‘tkazilgan matbuot anjumanining birinchi qismida mehmonlar ustozi Viktor Kumikov OAV vakillarining savollariga javob qaytardi.
Viktor Kumikov: - Namanganda hatto Braziliya terma jamoasiga ham oson bo‘lmaydi deb Mirjalol Qosimov to‘g‘ri aytgandi. Bu “Navbahor” jamoasini yaxshiligi bilan emas balki boshqa sabab bilan bog‘liq. Natijadan qanday qilib qoniqish hosil qilishim mumkin.
Futbol kontakt sport turi sanaladi. Mavsum boshida ana shunday tarzda to‘p surishga ruxsat berilishini aytishgandi. Bugun esa bir tomonga bunga ruxsat berildi, ikkinchi tomonga esa yo‘q. Hakam ko‘p xushtak chaldi. Bir so‘z bilan aytganda boshqacha qoida asosida o‘yin bo‘ldi.
Jamoa qanday tarzda to‘p surishidan qat’iy nazar haqqoniy tarzda g‘alaba qozonishi lozim. Bugungi uchrashuv men uchun so‘nggisi bo‘ladimi yoki boshqami buni farqi yo‘q. Chindanam shunday bo‘lsa ketaman. Buni hech qanday qo‘rqinchli joyi yo‘q.
