O‘zbekiston futbol assosiasiyasi va Professional futbol ligasi tomonidan yurtimizda turli soha vakillari orasida futbolni yanada rivojlantirish va ommalashtirish, sog‘lom turmush tarzini targ‘ib qilish borasida turli musobaqalar va tadbirlar tashkil qilinyapti.

Jumladan, O‘zbekiston futbol assosiasiyasi Sevimli TV telekanali bilan hamkorlikda “Sevimli Yulduzlar Ligasi” nomi ostida futbol musobaqasi o‘tkazmoqda.

Ushbu musobaqada taniqli qo‘shiqchilar, estradamiz yulduzlari, qiziqchilar, kinoaktyorlar, sozandalar va boshqa san’atkorlar va shou-biznes vakillari ishtirok etishmoqda.

Jumladan, “Ummon”, “Benom”, “Afro‘z” guruhlari,  Valijon Shamshiyev, Ali Otajonov, Vohidjon Isoqov kabi san’atkorlar maydonda g‘oliblik uchun shiddatli kurashlarga kirishyapti.

Mazkur musobaqadan o‘rin olgan uchrashuvlar Sevimli TV telekanali orqali namoyish qilinishi rejalashtirilgan.