O‘zbekiston kubogi  1/8 final doirasidagi “Qo‘qon-1912” – “Neftchi” uchrashuvidan keiyingi matbuot anjumanining birinchi qismida mehmonlar ustozi Bahrom Haydarov va farg‘onaliklar yetakchisi Shukurali Po‘latovlar ishtirok etishdi.

Bahrom Haydarov: - Bugungi o‘yin haqida nima deyish mumkin. Kubok bahsi chempionat o‘yinlaridan farq qiladi. Shuning uchun o‘yin teng kurashlar ostida o‘tdi. Har ikki jamoa ham g‘alaba qozonish uchun borini berib o‘ynadi.

Mag‘lubiyatga uchrash alamli. “Qo‘qon-1912”ni bugungi g‘alaba bilan tabriklayman.

Biz asosan yoshlarga tayanmoqdamiz. Ularning o‘yini borgan sari ochilib bormoqda. “Neftchi”ning oldingi mavqeini tiklash yo‘lida harakat qilishda davom etamiz.

“Vodiy derbi”lariga futbolchilar boshqacha qarashadi. Shuning uchun derbilar mana shunday shiddatli kurashlar ostida kechadi.

O‘z maydonimizdagi o‘yinlarda negadir o‘zimizni ko‘rsata olmayapmiz. Safarda esa yaxshi o‘yin ko‘rsatyapmiz. Ehtimol yosh futbolchilar bosim ostida harakat qilayotgandek.

Shukurali Po‘latov: - O‘yinga murabbiylarimiz yaxshi tayyorlashgandi. Ularning ko‘rsatmalarini to‘liq bajarishga harakat qildik. Bugun biz ham g‘alaba qozonishimiz mumkin edi. Vaziyatlarda foydalana olmadik. O‘yin chiroyli bo‘ldi. “Qo‘qon-1912”ni g‘alaba bilan tabriklayman.