- Menimcha, JCH-2018 final raundiga chiqqan barcha jamoalar Rossiyada hujumga alohida urg‘u qaratishga harakat qiladi - ha, Patrik Klyuyvert bo‘lajak jahon chempionatida ayniqsa, kuchli jamoalar ijrosida hujumkor futbol ko‘rishga umid bog‘lamoqda.

Gollandiya milliy jamoasi sobiq vakili shuningdek, Belgiya termasidan qandaydir «syurpriz» kutayotganini yashirmayapti.

Uning uchun o‘z yurti jamoasini mundialdan chetda qolganini ko‘rish azob, ammo fikricha, gollandlar oxirgi omadsizliklarni tezkor unutib, kelajakni o‘ylashlari shart.

Aytish joiz, Patrikning o‘zi birgina betakror zarbasi tufayli jahon chempionati tarixidan joy olgan. Uchqur golland hujumchisining harakati artistlik ijro nuqtai nazaridan darhaqiqat, o‘ta ajobiy chiqqandi: hayratlantiradigan darajadagi sakrash va bosh bilan kuchli zarba.

Gap Fransiya maydonlarida tashkillashtirilgan JCH-98 yarim finalining 87-daqiqasida yuzaga kelgan vaziyat haqida ketmoqda. O‘shanda Gollandiya termasi butun o‘yin davomida braziliyaliklarga munosib qarshilik ko‘rsatgan va Klyuyvert so‘nggi pallalarda hisobni tenglashtirib (1:1), qo‘shimcha bo‘limlarga yo‘l ochgandi.

Katta va o‘rta yoshli ko‘plab muxlislar yaxshi eslashsa kerak, «overtaym»da ham kuchli tomon aniqlanmagach, dramatik penaltilar seriyasi kuzatilgan hamda Braziliya termasi omadliroq chiqib, final yo‘llanmasiga ega bo‘lgandi.

Mana, «lolaranglar» tarixida o‘chmas iz qoldirgan 41 yoshli sobiq hujumchi (u JCH-98da bevosita ishtirok etishdan tashqari, Braziliya-2014 mundialida bosh murabbiy Lui van Galga assistentlik qildi) bugun Rossiya turnirini betaraf muxlis sifatida kuzatib, chinakamiga rohatlanishga shaylanmoqda.

Davomi>>>