FIFA kengashi shu yilning 13 iyun kuni terma jamoalari reytingini hisoblash tizimini o‘zgartirish masalasini muhokama qiladi. Bir necha yillar davomida hozirgi tizimda ayrim kamchiliklar borligi aniqlangan. Boisi, ayni paytdagi formula terma jamoalarning haqiqiy kuchini aks ettirmaydi.

Jumladan, Jahon chempionatini o‘zida qabul qiladigan jamoa 2 yil davomida rasmiy o‘yinlarda ishtirok etmasdan, faqat o‘rtoqlik o‘yinlari bilan cheklanadi. Natijada mezbon terma jamoa FIFA reytingida pastga sho‘ng‘ib ketadi.

Hozirgi paytda FIFA terma jamoalarning so‘nggi 48 oy ichida o‘tkazilgan o‘yinlari inobatga olinadi. Terma jamoalarning so‘nggi 1 yil ichidagi o‘yinlari 1 koeffisiyentga ko‘paytirilsa, 2 yil oldingi bahslar — 0,5, 3 yil avvalgi uchrashuvlar — 0,3, 4 yil avvalgi o‘yinlar natijalari 0,2 koeffisiyentga ko‘paytiriladi.

Bundan tashqari, o‘rtoqlik o‘yinlari uchun — 1, saralash bahslari uchun — 2,5, qit’a chempionatlari va Konfederasiyalar kubogi musobaqasi uchun — 3, jahon chempionati uchun — 4 koeffisiyent belgilangan.

Shuningdek, 13 may kuni Moskva shahrida bo‘lib o‘tadigan FIFA kengashida 2026 yilgi Jahon chempionati mezboni nomi e’lon qilinadi.